Galego | Castellano

MOSTRA DO ENCAIXE DE CAMARIÑAS

NOVAS

IV FESTA DA PALILLEIRA

17-10-2011
IV Festa da Palilleira que terá lugar o sábado, día 10 de decembro, no pavillón municipal de Camariñas; axuntamos ficha de inscrición para tódalas palilleiras que estean interesadas en participar.


Programa:

10:00 H.: recepción das participantes

11:00 H.: inauguración

17:00 H.: desfile de moda

18:30 H.: clausura

Durante a celebración terán lugar actuacións folclóricas en horario
de maña e tarde.



As/os modelos participantes no desfile serán voluntarios/as do Concello de Camariñas, achegamos ficha de inscrición. Pasarán prendas realizadas, con Encaixe de Camariñas, por firmas colaboradoras coa Mostra do Encaixe.

Descarga de Inscricións

Bases do XIX Concurso de Noveis Deseñadores

03-10-2011
XXII Mostra do Encaixe
Prazo límite para remitir a memoria: 1 de decembro de 2011.

Se a colección enviada é finalista remíteselle 300 € de encaixe previamente elixido polo concursante mediante catálogo.

Premios:
1º premio: 2104 €
2º premio: 1202 €
3º premio: 601 €
Premio especial do público: 601 €

Descarga de Bases e Ficha de Inscrición

FINALISTAS XVIII CONCURSO DE NOVEIS DESEÑADORES

15-12-2010
XXI Mostra do Encaixe de Camariñas
A organización do XVIII Concurso de Noveis Deseñadores da XXI Mostra do Encaixe de Camariñas agradece a tódolos deseñadores participantes neste concurso, así como aos/ás directores/as das escolas de deseño de moda que ano tras ano incentivan aos seus alumnos a participar no concurso.

Recibíronse propostas de 94 noveis deseñadores, todas elas merecedoras de ser finalistas pero só se puideron seleccionar 28 memorias.
Esperamos que os deseñadores cuxos proxectos no están entre os finalistas se animen a seguir participando en próximas edicións.

FINALISTAS XVIII CONCURSO DE NOVEIS DESEÑADORES – XXI MOSTRA DO ENCAIXE DE CAMARIÑAS (20 – 24 ABRIL 2011):


Descarga Listado Finalistas XVIII Concurso

CONCURSOS NA XXI MOSTRA DO ENCAIXE

23-11-2010

Faltan poucos días para que remate o prazo de presentación de solicitudes ós dous concursos que se van celebrar para o ano que ven na Mostra do Encaixe de Camariñas.

Hai algo máis dun mes o Concello de Camariñas publicou as bases do Concurso de Noveis Deseñadores de Moda para a vixésimo primeira edición da Mostra de Encaixe de Camariñas. O prazo de finalización xa se comeza a ver, sendo este o 1 de decembro. A partir de aí as grandes firmas que forman parte do xurado comezan a súa labor de elección. De entre todas as memorias cales serán as elixidas para participar nos desfiles de Semana Santa?

O ano pasado pasaron polas mans dos grandes deseñadores máis de 80 memorias das que foron elixidas 36. Cada ano fomos incrementando o número de xoves que participan neste concurso e cada ano máis familias de toda España pasan as súas vacacións de Semana Santa aquí en Camariñas.

O 1 de decembro tamén remata o prazo para apuntarse ó Concurso de Deseño de Encaixe, que este ano terá como tema a "Homenaxe as palilleiras". Máis dunha decena de palilleiraas participaron na primeira edición deste certame. A orixinalidade, beleza estética e dificultade de técnica serán os valores que se primen á hora de conceder os 800 euros que hai nos dous premios. O primeiro premio de 500 euros e o segundo de 300.

Queremos motivar, a todas aquelas persoas interesadas, a participar nestes concursos. E para calquera dúbida, coma sempre, os teléfonos do Concello 981736000 e 981737004.

[ 1 ] ... [ 3 ] [ 4 ] 5 [ 6 ] [ 7 ] ... [ 10 ]
MOSTRA DO ENCAIXE DE CAMARIÑAS
*O presente proxecto foi financiado co apoio da Comisión Europea. Esta publicación é responsabilidade exclusiva do seu autor. A Comisión no é responsable do uso que poida facerse da información aquí difundida.