No noroeste galego, ó abeiro da ría de Camariñas e no seo da Costa da Morte xurde cada día desde fai séculos a suave maxia do encaixe.

Sirvan estas páxinas como homenaxe ás verdadeiras protagonistas do encaixe: as palilleiras; as artesás e artistas que fan posible esta marabilla xeración tras xeración, as mulleres que dedicaron o seu tempo e esforzo a este peculiar arte; porque o encaixe de Camariñas é un labor do pobo, sen que ninguén reclame a condición de autor.

O encaixe foi sempre unha fonte importante de ingresos para as familias humildes, por eso tiñan que traballar tamén as nenas. Non obstante, esas mans sacrificadas de novas, chegaron logo a ser coñecedoras dunha técnica precisa, herdada dende fai séculos

Pero o encaixe non só é un esixente traballo, senón que tamén representa unha forma de vida, que teñen como manifestación máis característica ás Palilladas. Ó redor destas reunións de palilleiras xiraba toda a vida social e cultural da zona de Camariñas durante os meses de outono e inverno. Na sala, que era onde se realizaban as palilladas, formábanse artesás, facíanse reunións públicas, organizábanse bailes e xogos, era lugar de cortexo e onde se desenvolvía un amplo Cancioneiro Popular.

Na actualidade, o encaixe de Camariñas está experimentando unha importante expansión; na que ten moito que ver a formación das futuras palilleiras, na que, como antano, teñen gran importancia as ensinanzas da avoa, nai ou señora de confianza á que se lle encargaba a tarefa; aínda que na actualidade a formación tamén se impulsa e estructura a través dunha escola Obradoiro.

O Museo do Encaixe e a Mostra do Encaixe contribuíron de maneira importante á difusión internacional desta exquisita artesanía.

No noroeste galego, ó abeiro da ría de Camariñas e no seo da Costa da Morte xurde cada día desde fai séculos a suave maxia do encaixe.

Sirvan estas páxinas como homenaxe ás verdadeiras protagonistas do encaixe: as palilleiras; as artesás e artistas que fan posible esta marabilla xeración tras xeración, as mulleres que dedicaron o seu tempo e esforzo a este peculiar arte; porque o encaixe de Camariñas é un labor do pobo, sen que ninguén reclame a condición de autor.

O encaixe foi sempre unha fonte importante de ingresos para as familias humildes, por eso tiñan que traballar tamén as nenas. Non obstante, esas mans sacrificadas de novas, chegaron logo a ser coñecedoras dunha técnica precisa, herdada dende fai séculos

Pero o encaixe non só é un esixente traballo, senón que tamén representa unha forma de vida, que teñen como manifestación máis característica ás Palilladas. Ó redor destas reunións de palilleiras xiraba toda a vida social e cultural da zona de Camariñas durante os meses de outono e inverno. Na sala, que era onde se realizaban as palilladas, formábanse artesás, facíanse reunións públicas, organizábanse bailes e xogos, era lugar de cortexo e onde se desenvolvía un amplo Cancioneiro Popular.

Na actualidade, o encaixe de Camariñas está experimentando unha importante expansión; na que ten moito que ver a formación das futuras palilleiras, na que, como antano, teñen gran importancia as ensinanzas da avoa, nai ou señora de confianza á que se lle encargaba a tarefa; aínda que na actualidade a formación tamén se impulsa e estructura a través dunha escola Obradoiro.

O Museo do Encaixe e a Mostra do Encaixe contribuíron de maneira importante á difusión internacional desta exquisita artesanía.